مش ممكن ده حلم!!!!! انا ماعرفش ان الموضوع سهل كده؟؟؟؟!!!
انا كنت فاكرة انشاء موقع الكترونى عملية معقدة وصعبة ومحتاجة المام ببرامج صعبة كتير سمعت عنها زى الفوتوشوب ودريم ويفر بس الموضوع طلع سهل وبسيط بس عاوز واحد عنده اراده والاهم فكرة عايز يقدمها للناس!
انا بقى الفكرة اللى كانت قاعدة تزن فى دماغى(هى بصراحة مش فكرة واحدة!) هى الفكرة اللى قايم عليها الموقع ده وهى ببساطة
انت رأيك ايه؟؟؟؟؟؟؟؟؟
مش ملاحظين ان احنا من ساعة ماعرفنا الانترنت واحنا بندخل على مواقع مختلفة سواء اخبار او العاب او تسلية ونستقبلها افكار مفروضة علينا من غير ما يكون لينا راى فيها؟؟؟ معظم المواقع دلوقتى بتسمح للقراء بالتعليق عالخبر (بس انتوا طبعا فاهمين لو التعليق مش عاجب بيتمسح!!!!) ليه كل خبر او معلومة نعرفها لازن نشربها زى مابنشرب الدوا من غير ما نفكر فيها؟؟؟ ليه مانتعلمش ان لازم يبقى لينا راى فى كل حاجة سواء بالموافقة او بالاختلاف ‘ ونتعلم نختلف مع بعض من غير ما نزعل من بعض؟؟!!! تعالوا مع بعض كل يوم نتعلم نكتب راينا بصراحة ونقول اللى فى نفسنا،نفتح قلبنا ونكتب اللى جواه ،نكتب مقالات عن اى حاجة عايزين نتكلم عنها وتبعتوها ،كل يوم حاجيب لكم مقالات او اخبار ونعلق عليها وانتوا كمان ابعتوا كتاباتكم وانشروها باسمكم ،الموقع ده بتاعنا كلنا ابعت افكار واقتراحات نفسك نقول ايه ونعمل ايه وماتنسوش ان اى كائن اعلامى او اقتصادى عملاق موجود دلوقتى كان اصله فكرة فى دماغ واحد(بس ما احتقرهاش وقال فى نفسه يعنى انا اللى حاجيب التايهة!!) مين عارف مش يمكن انت اللى تجيبها؟؟!!
ايه اللى فى دماغك؟؟؟؟
0 Comments:
Post a Comment