مش ممكن ....... الساعة 3 بعد نص الليل ولسه ماجاليش نوم!!! كل ده عشان صفحة انترنت يتيمة من بين مليارات الصفحات اللى عليه ، خلاص فكرت نفسى بيل جيتس!!! ده مدونة لسه فى اول يوم وعاملة كده ، أمال لو كان عندى موقع زى ياهو ولا الاي بيي؟؟؟!!!
الانسان ده طماع اوى واللى يزعل انه طماع على حاجة ماتستاهلش بقى الانترنت كله والدنيا دى كلها ماتساويش عند ربنا جناح ناموسة!!!(يبقى يا ترى الصفحة بتاعتى قد ايه من الناموسة؟؟؟!!) انا بعد ماعملت المدونة دى افتكرت كلمة جميلة لاحد العلماء لما قال "تعلمنا العلم لغير الله فابى ان يكون الا لله" اهو ده نفس اللى حصل معايا انا اصلا لما بدات افكر فى الموضوع كان كل غرضى ولا مؤاخذة الفلوس وان الموقع يشتهر ويكتر زواره واعمل اعلانات واكسب مليون جنيه كل شهر(امال انت كنت فاكر ايه) مع احترامى طبعا لكل اللى بيقول انه عامل موقعه ده لخدمة المجتمع(على مين؟؟!!) بس سبحان الله بعد ما عملت المدونة فكرتى اتغيرت تماما!!(يا سلام واحنا حنصدقك بعد الكلام اللى فات) يا جماعة اللى حصل ان الهدف والمقصد اتغير (البربوز بالنجليزى) زى حديث الرسول عليه الصلاة والسلام "فمن كانت هجرته الى الله ورسوله فهجرته الى الله ورسوله ومن كانت هجرته الى دنيا يصيبها او امراة ينكحها فهجرته الى ما هاجر اليه" الاتنين هاجروا وعملوا نفس العمل بس شوف الاولانى فين والتانى فين؟؟؟!!
اللهم اصلح نياتنا واجعل كل اعمالنا خالصة لوجهك الكريم
اللهم اجعلها فى ميزان حسناتنا وثقل بها موازيننا
اللهم متعنا بسمعنا وابصارنا وقوتنا ما احييتنا واجعله الوارث منا
قولوا آمين.........
مفيش فايدة................... برضه مش جايلى نوم!!!!
الجمعة، 5 مارس 2010
الانسان ده طماع بشكل
Labels: اول خطوة
Subscribe to:
تعليقات الرسالة (Atom)
0 Comments:
Post a Comment